Լիբիայի նախագահ Մուամար Քադաֆին վերահսկում է ընդամենը 30 քառակուսի կիլոմետր տարածք: Այս մասին քաթարական «Ալ-Արաբ» թերթին տված հարցազրույցում հայտարարել է Արաբական երկրների լիգա կազմակերպությունում Լիբիայի նախկին ներկայացուցիչ, Լիբիայում ծավալված դեպքերի ժամանակ ցուցարարների կողմն անցած Աբդ Ալ-Մունիմ Ալ-Խունին:
«Մուամար Քադաֆիի իշխանությունը տարածվում է մի քանի ռազմական ճամբարների վրա, որոնց ընդհանուր տարածքը չի գերազանցում 30 քառակուսի կիլոմետրը, և որոնք գտնվում են մայրաքաղաք Տրիպոլիում և իր հայրենի Սիրաթ քաղաքում»,- ասել է դիվանագետը:
Նա նաև ավելացրել է, որ այս պահին լիբիական դիկտատորին պաշտպանում է մի քանի վաշտ, որոնց զինվորների թիվը չի գերազանցում 7000-ը:
Հիշեցնենք նաև, որ այսօր ՄԱԿ-ի անվտանգության խորհուրդը կքննարկի Լիբիայի դեմ պատժամիջոցներ կիրառելու հարցը:
