Սեպտեմբերի 6-ին ԱՄՆ-ում դեմոկրատական կուսակցության համագումարի ժամանակ որպես ֆոնային պատկեր ամերիկյան նավերի փոխարեն օգտագործել են Սևծովյան նավատորմի նավերը, գրում է The Navy Times-ը:
Պատկերն ուղեկցվել է ԱՄՆ ադմիրալ Ջոն Նեթմանի հայրենասիրական ելույթով: Թյուրիմացությունը նկատել է Ռոբ Բարկերը, որն ԱՄՆ ռազմածովային ուժերը լքել է 2006 թվականին: Ծառայության ժամանակ նա բազմիցս է ստիպված եղել ռադաների արտաքին տեսքով տարբերել օտար նավերը: Լուսանկարում պատկերված նավը, ըստ նրա, «Կերչն» է:
Այն, որ նավերը ռուսական են, The Navy Times-ին հավաստիացրել է ռազմածովային թեմատիկայով գրքի հեղինակ Նորման Փոլմարը, որն ուսումնասիրել է բարձր որակով նկարները:
Լուսանկարում երևում է նաև “Х” նշանը`որը, ինչպես նշում են մասնագետները, Անդրեևյան խաչն է`ռուսական ռազմածովային նավատորմի խորհրդանիշը: Ամերիկյան նավերի վրա դրա փոխարեն ԱՄՆ դրոշն է:
Դեմոկրատների համագումարը տեղի է ունեցել սեպտեմբերի 4-6-ը Հյուսիսային Կարոլինայում: Համագումարի ժամանակ նախագահ Բարաք Օբաման պաշտոնապես առաջադրևվել է որպես նախագահի թեկնածու:
