Trend-ը հաղորդում է, որ Ադրբեջանը ցանկանում է ավելացնել գազի առաքումների ծավալները դեպի Հունաստան:
«Ադրբեջանական գազն արդեն կա հունական շուկայում` 700 միլիոն խորանարդ մետր ծավալով, և մենք հիմա բանակցություններ ենք վարում, որ այդ ծավալները ավելացվեն: Հունաստանը Եվրամիության առաջին երկիրն է, որ գազ է ստանում կասպյան ավազանից»,- ասել է Ադրբեջանի արտգործնախարար Էլմար Մամեդյարովը:
Հունաստանի արտգործնախարար Դիմիտրիս Դրուցասն, իր հերթին, շահագրգռվածություն է հայտնել ITGI (Թուրքիա-Հունաստան-Իտալիա) խողովակաշարի իրականացման հարցում, որի միջոցով հույները գազ կստանան ավելի մեծ ծավալներով:
Նշենք, սակայն, որ ITGI խողովակաշարով հումքի տեղափոխման հարցում լուրջ տարաձայնություններ կան Բաքվի և Անկարայի միջև:
