ԱՄՆ-ը հայտարարել է, որ Լիբիայի հետ դիվանագիտական հարաբերությունները խզում է:
Սպիտակ տան խոսնակ Ջեյ Քարնին հայտարարել է, որ Քադաֆիի լեգիտիմությունը «մոտ է զրոյի»: Պատճառն այն է, որ Լիբիայի ղեկավարը հրամայել է բռնի ճնշել հակառակորդների ելույթները, ինչը հանգեցրել է նրա նկատմամբ ժողովրդի վստահության կորստին:
Ինչպես փոխանցում է France Presse գործակալությունը, Բարաք Օբաման ստորագրել է հրամանագիր, որով սառեցվել են Մուամար Քադաֆիի և նրա չորս որդիների հաշվեհամարները, արգելք է դրվել նաև նրանց ունեցվածքի վրա:
Օբամայի խոսքերով, այս միջոցներն ուղղված են օգնելու լիբիական ժողովրդին և լիբիական ներկայիս կառավարության դեմ են: Քադաֆիի ռեժիմը թույլ է տվել միջազգային օրենքների և նորմերի մի շարք խախտումներ, որի համար պետք է պատասխանատվություն կրի:
Սպիտակ տանն ասել են, որ պատժամիջոցները տարածվում են Քադաֆիի ընտանիքի և նրա մերձավորների վրա, սակայն այս ցուցակը կարող է ընդլայնվել: