Բրիտանական Financial Times թերթն իր «Թուրքիայի տնտեսությունն արագորեն անկում է ապրում» հոդվածում անդրադարձել է Թուրքիայի տնտեսության նահանջին.
«Այս տարվա երկրորդ քառորդին Թուրքիայի տնտեսությունը, նախորդ տարվա համեմատ, աճել է միայն 2.9 տոկոսով: Մինչդեռ 2010 և 2011 թվականներին Թուրքիայի տնտեսությունն ունեցել է 8 տոկոսանոց աճ: Տնտեսական աճի ցուցանիշներով՝ այս տարի Թուրքիան զգալիորեն կզիջի Հնդկաստանին, Չինաստանին ու Բրազիլիային:
Թուրքիայի տնտեսության համար ավարտվել է «6-8 տոկոսանոց աճի ժամանակաշրջանը»: Միևնույն ժամանակ հնարավոր է, որ Թուրքիան այս տարի գրանցի 4-5 տոկոսանոց աճ: Այս տարվա երկրորդ քառորդին Թուրքայի տնտեսության համար ամենահաջող նորությունը բաժին է ընկել արտահանման ոլորտին, ուր գրանցվել է 20 տոկոսանոց աճ: Միևնույն ժամանակ 3.6 տոկոսով նվազել է ներմուծումը:
Թուրքիայի տնտեսության վրա բացասաբար են անդրադառնում հարևան Սիրիայում հակամարպությունը և Թուրքիայում Քրդստանի աշխատավորական կուսակցության (PKK) հետ բախումները»:
