Грузия Online-ի փոխանցմամբ՝ ԱՄՆ պետքարտուղարի՝ աշխատանքի և մարդու իրավունքների գծով տեղակալ Թոմաս Մելիան այսօր հանդիպել է Վրաստանի վարչապետ Վանո Մերաբիշվիլիի հետ: Այս մասին հայտարարել է Վրաստանի վարչապետական ապարատը:
Վերջինիս հաղորդմամբ՝ այդ հանդիպման ժամանակ կողմերը քննարկել են համապատասխան կառույցների պատրաստակամությունը՝ հոկտեմբերի 1-ին խորհրդարանական ընտրությունների անցկացման համար: Մերաբիշվիլին Մելիային իրազեկել է ընտրությունների ժամանակ անվտանգության ապահովման համար կառավարության ձեռնարկած միջոցառումների մասին:
Թոմաս Մելիայի գլխավորած ամերիկյան պատվիրակությունը Թբիլիսի է ժամանել սեպտեմբերի 10-ին և այստեղ է գտնվելու միչև սեպտեմբերի 13-ը: Այդ օրը Մելիան կամփոփի իր վրացական այցի արդյունքները և գնահատական կտա Վրաստանի նախընտրական իրավիճակին:
