Իրանական Fars News լրատվական գործակալության փոխանցմամբ՝ այսօր առավոտյան Թեհրանի հրապարակներից մեկում հրապարակավ կախաղան են բարձրացրել մի հանցագործի, որը մեղադրվում էր սեռական բնույթի բազմաթիվ հանցագործություններ կատարելու մեջ:
Խոսքը «Սև կարիճ» մականունով հայտնի Սադիգ Մուրադիի մասին է, որը ձերբակալվել էր 2008 թվականին՝ Թեհրանում կանանց առևանգման փորձ կատարելու ժամանակ: Հետաքննության ընթացքում պարզվել էր, որ նա իրականացրել է ավելի քան երեք տասնյակ բռնաբարություն և բռնաբարության փորձ, ինչպես նաև թալանել է իր զոհերին:
2009 թվականին իրանական դատարանը նրան դատապարտում է մահապատժի, սակայն հանցագործի ներկայացրած բողոքից հետո մահապատիժը փոխարինվում է բանտարկությամբ: ԶԼՄ-ների ու հանցագործի զոհերի ճնշման արդյունքում 2011 թվականին «Սև կարիճի» դատավճիռը վերստին վերանայվում է, և նրան վերջանականապես դատապարտում են կախաղան բարձրացվելու միջոցով մահվան։
