Արձակուրդից վերադարձը հաճախ ուղեկցվում է ստրեսով և անտարբերության զգացումով: Փորձագետները պարզել են, թե ինչպես կարելի է երկար պահպանել արձակուրդային տրամադրությունը: Որպեսզի շրջագայությունից վերադարձը հարթ անցնի, պետք է մի քանի անհրաժեշտ գործեր կատարել մինչ մեկնումը:
Չկա ավելի լավ բան, քան վերադարձը մաքուր, տերերին լիովին պատրաստ սպասող տուն: Այդ իսկ պատճառով այն ամենը, ինչը նախատեսել եք կատարել հետո՝ իրերը քիմմաքրման տանելը, մաքրություն անելը և այլն, պետք է անել մինչ արձակուրդի մեկնելը: Երբ տուն եք վերադառնում՝ իմանալով, որ առջևում գործերի վիթխարի ցուցակ չկա, դա երկարացնում է արձակուրդը:
Արձակուրդի մեկնելուց առաջ նաև պետք է համոզվել, որ սառցարանում արագ պատրաստվող մթերքներ կան, որ ուշ ժամի վերադառնալիս, ստիպված չլինեք խանութ վազել:
Սովորաբար արձակուրդից վերադարձողներին թվում է, թե իրենք լավ են հանգստացել: Սակայն յուրաքանյուր ուղևորությունից հետո օրգանիզմին կարճատև դադար է պետք՝ ադապտացվելու աշխատանքային ռիթմին: Այս մասին տեղեկացնում է Travel-ը:
Եթե հնարավոր է՝ մեկ օր տրամադրեք հարմարվելուն: Չարժե միանգամից աշխատանքի անցնել: Կամ նույնիսկ այդ դեպքում այնպես ծրագրեք, որ առաջին աշխատանքային օրը հագեցած չլինի կարևոր հանդիպումներով:
Բացի այդ, արձակուրդից վերադառնալը հոգեպես ավելի հեշտ է, երբ վերադարձից անմիջապես հետո ծրագրվում են ուրախ միջոցառումներ՝ երեկոներ, համերգներ, հանդիպումներ ընկերների հետ: Եվ, ի վերջո, միշտ ավելի հաճելի է մտածել առաջիկա հետաքրքրիր միջոցառման, քան աշխատաքային շաբաթվա մասին:
