Ջոնսոնի պետական քոլեջի բժիշկ Ջինա Միրոլտի և Նյու Հեմփշիրի համալսարանից բժիշկ Ջոն Սթերոուի վերջին հետազոտությունն ասում է, որ վեց ամսական երեխաներն արդեն սովորում են ծիծաղել իրենց ծնողների նման, գրում է The Telegraph-ը:
Սովորելու գործընթացը 6 ամսից մեկ տարի է տևում, երբ երեխաները մշտապես հետևում են ծնողների արձագանքին, հայտնում է Med Daily-ը: Թե դա ինչպես է տեղի ունենում` հաջողվել է պարզել 30 երեխաներից կազմված խմբի միջոցով: Նրանց առաջարկել են նայել ամենօրյա կամ անհեթեթ իրերի: Մինչ այդ ծնողները պետք է անցնեին նույն փորձությունը: Նրանք պետք է կամ պահպանեին դեմքի հանգիստ արտահայտությունը, կամ ծիծաղեին` ցույց տալով երեխային, որ դա ծիծաղելի է:
Արդյունքում` երեխաները շատ ուշադիր հետևել են ծնողներին, երբ նրանք ծիծաղել են և ավելի են կենտրոնացրել ուշադրությունն անհեթեթ իրավիճակների վրա: 12 ամսականում երեխաներն առանց ծնողների հուշման արդեն ծիծաղել են անհեթեթ իրավիճակի վրա:
