Երեկ «Հրապարակ»-ին զանգահարեցին Սևանից և Աշտարակից ու տագնապած ասացին, որ նախընտրական վիճակը շիկանում է: Սևանում բոլոր հինգ թեկնածուները ճնշումների տակ ինքնաբացարկներ են հայտնել, և ասպարեզում մնացել է միայն ՀՀԿ-ական թեկնածուն` Ռուդիկ Ղուկասյանը: Նա Գեղարքունիքի նախկին մարզպետն է եղել, և, զանգողների ասելով, նրանից ոչ մի լավ բան չեն տեսել: Սևանցիներն ասում էին, որ որոշել են գնալ ընտրությունների և միայն ավագանի ընտրել, իսկ Ղուկասյանին բոյկոտել:
Աշտարակից զանգահարած քաղաքացին ասում էր. «Տեղի է ունեցել քաղաքական առևտուր` Աշտարակ եկած ՕԵԿ-ական Հովհաննես Մարգարյանը մարզպետի հետ համաձայնության է եկել, որ իրենք ձայն են տալու ՀՀԿ թեկնածուին` Արմեն Անտոնյանին, իսկ դրա դիմաց ստանալու են փոխմարզպետի պաշտոնը»:
