Ռուսական ВЗГЛЯД թերթի փոխանցմամբ՝ Ռուսաստանում բնակվող Վրաստանի քաղաքացիները չեն կարող քվեարկել հոկտեմբերի 1-ին կայանալիք խորհրդարանական ընտրությունների ժամանակ: Այս մասին այսօր հայտարարել է Վրաստանի Կենտրոնական ընտրական հանձնաժողովի (ԿԸՀ) նախագահ Զուրաբ Խարատիշվիլին.
«Ռուսաստանը կդառնա արտասահմանի միակ բացառությունը, ուր չեն բացվի ընտրատեղամասեր՝ ելնելով նախորդ (2008 թվականի մայիս) ընտրությունների փորձից: Մեզ այդ ցանկը տրամադրել է ԱԳՆ-ն: Ռուսաստանի պարագայում տեխնիկական խնդիրներ կան»:
Տաբեր տվյալներով՝ վերջին տարիներին Վրաստանից Ռուսաստան է մեկնել 300,000-1,000,000 մարդ: Վրացական ընդդիմության պնդմամբ՝ ընտրողների մեկ քառորդն օրինական կամ ապօրինի ձևով բնակվում է արտասահմանում:
