Apple ընկերությունը բանակացություններ է վարում նոր ծառայության ստեղծման համար երաժշտական ստեղծագործությունների լիցենզավորման շուրջ: Նոր երաժշտական ծառայություը կմրցի Pandora օնլայն ռադիոյի ծառայության հետ: Այս մասին հաղորում է Wall Street Journal-ը`հղում անելով աղբյուրներին:
Pandora առցանց ռադիոյի ծառայության առանձնահատկությունը հեռարձակվող կատարումների ադապտացիան է ունկնդրի ճաշակին: Օգտատիրոջ համար երաժշտությունն ընտրվում է` համապատասխան ավելի վաղ նշված նախասիրությունների:
Ստեղծագործությունների նման ընտրության հնարավորություն են առաջարկում նաև Last.fm, Spotify AB և iHeartRadio երաժշտական օնլայն ծառայությունները: Սովորաբար նման ծառայություններն անվճար են, սակայն ընդհատվում են գովազդով:
Apple-ի ծառայությունը կգործի Apple-ի սարքերի վրա: Ծառայությունից չեն կարող օգտվել մրցակից Google-ի Android օպերացիոն պլատֆորմով սմարթֆոնների ու պլանշետների տերերը:
Ծառայությունից եկամուտը կստացվի iAd ֆիրմային պլատֆորմում գովազդի հաշվին: Apple-ի ներկայացուցիչները հրաժարվել են մեկնաբանություններից:
