YouTube-ը հանել է կայքի հարավկորեական տարբերակում տեսանյութերի ներբեռնման արգելքը, որը դրվել էր 2009-ին: Այս մասին սեպտեմբերի 6-ին հայտնել է The Next Web-ը:
PCWorld հրատարակությունը հայտնել է, որ 2009-ի ապրիլին Google-ը արգելափակել է YouTube-ի կորեական տարբերակում տեսահոլովակների և կարծիքների ներմուծման հնարավորությունը: Որոշումն ընդունվել է ի պատասխան 2009-ի ապրիլի 1-ին ուժի մեջ մտած օրենքի, որը պարտադրում էր ցանցում կարծիքներ հրապարակել իրական անունների ներքո:
2012-ի օգոստոսին, հայտնում է The Wall Street Journal թերթը, Հարավային Կորեայի դատարանն այդ պահանջը ճանաչել է երկրի հիմնական օրենքին հակասող:
YouTube-ի կորեերեն տարբերակը թողարկվել է 2008-ի հունվարին:
