Ադրբեջանական Trend լրատվական գործակալության փոխանցմամբ՝ Ադրբեջանում Թուրքիայի դեսպան Հուլուսի Քըլըչը, ով օրեր անց հրաժեշտ է տալու իր պաշտոնին, լրագրողների հետ զրույցում անդրադարձել է Ղարաբաղյան հակամարտության կարգավորմանը.
«Ներկայումս Հայկական սփյուռքը զայրացած է, և նրա թիրախում ադրբեջանցի ու թուրք դիվանագետներն են: Պետք է հասնել Ղարաբաղյան հակամարտության շուտափույթ կարգավորմանը: Թուրքիան տարածաշրջանային խաղաղության կողմնակից է և ակնկալում է, որ Ղարաբաղյան հակամարտությունը շուտափույթ կկարգավորվի»:
Հիշեցնենք, որ Ադրբեջանում Թուրքիայի դեսպանի պաշտոնում Հուլուսի Քըլըչին սեպտեմբերի 16-ից փոխարինելու է Իսմայիլ Ալփեր Ջոշքունը:
