Vanity Fair ամսագիրը, որը սկսել է հրապարակել նյութեր, որոնք վկայում են Սայենտոլոգների եկեղեցու սկանդալային դերի մասին Թոմ Քրուզի ու նրա նախկին երեք կանանց կյանքում, հրապարակել է տեղեկության նոր չափաբաժինը:
Մի քանի օր առաջ հոլիվուդյան աստղը հերքել էր լուրերը, թե իր նախկին կինը` Քեթի Հոլմսը, ընտրվել էր իր համար որպես կին Սայենտոլոգների եկեղեցու կողմից այն բանից հետո, երբ անցկացվել էին հարցազրույցներ տասնյակ «հարսնացուների» հետ:
Ամսագիրը պնդում է, որ սայենտոլոգները մեծ դեր են խաղացել այն բանում, թե ինչպես 2001թ. Քիդմանի ու Քրուզի ամուսնալուծությունից հետո նրանց երեխաները հեռացան Քիդմանից, գրում է News.com.au-ն:
11 տարվա ամուսնությունից հետո Քրուզն ու Քիդմանը ստացան համատեղ խնամակալություն իրենց որդեգիր երեխաների` 6-ամյա Քոնորի ու 8-ամյա Իզաբելլայի հանդեպ:
Ինչպես պատմել է Vanity Fair-ին նախկին բարձրաստիճան սայենտոլոգներից մեկը, Քիդմանը երբեք չի ցանկացել կապ ունենալ սայենտոլոգների հետ, որոնց ավանդույթներով է Քրուզը ցանկացել դաստիարակել երեխաներին: Այս իսկ պատճառով եկեղեցու ղեկավարները դերասանուհուն բնորոշել էին որպես S.P. (suppressive person), այսինքն` «մարդ, ում հետ շփումից պետք է խուսափել»: «Երեխաները խուսափում էին Նիկոլից, քանի որ նրանց այդպես են ասել»,- ասել է սայենտոլոգը:
Ամսագիրը նկատում է, որ Քիդմանն ակներևաբար ատել է սայենտոլոգներին: