Ռոդ Այլենդի բնակիչ Սիվի Ռոելը արվեստի հրաշք գործեր է կերտել մետաղալարերից: Այս մասին հաղորդում է Oddiy Central-ը: Նկարիչն արդեն հասցրել է հայտնի դառնալ «Մետաղալարի մոգ» մականվամբ:
Նրա գործերը հեռվից դիտելիս հիշեցնում են մատիտով արված գծանկարներ: Ռոելն առաջին անգամ մետաղալարը որպես «նկարչական գործիք» օգտագործել է 1997 թվականին, երբ դեռ սովորում էր քոլեջում: Մտահղացումը ծնվել է գծանկար անելիս: Այդ գիշեր նա իր տնային հանձնարարությունը կատարել է մատիտը փոխարինելով մետաղալարով:
Տարիների ընթացքում նրա հմտությունները ավելացել են: Նա իր միջին չափի գործերը կերտում է մի քանի շաբաթից մինչև մի քանի ամսվա ընթացքում:
