Ռոբի Ուիլյամսը իր հղի կնոջ՝ Աիդա Ֆիլդի հետ մասնակցել է Gentlemen’s Quarterly ամսագրի «Տարվա տղամարդիկ» 15-րդ մրցանակաբաշխությանը: Միջոցառմանը մասնակցելու նախաձեռնությունը ոչ թե Ուիլյամսինն էր, այլ 33-ամյա Ֆիլդինը, որն ամեն վայրկյան կարող է ծննդաբերել: The Daily Mail-ը նկատում է, որ նույնիսկ այդ վիճակում ամերիկյան դերասանուհին չի կարողանում հրաժարվել զվարճանքներից:
Միջոցառման ողջ ընթացքում Ուիլյամսը կնոջից չի հեռացել: Լուսանկարներում երևում է, թե ինչպես է Ուիլյամսը քնքշորեն գրկել իր կնոջն ու ապագա երեխային:
Չնայած զույգը վերջին 8 տարիներին բնակել է ԱՄՆ-ում, սակայն երեխայի ծննդի նպատակով վերադարձել է Մեծ Բրիտանիա: Կյանքի մեծ մասը Ուիլյամսն անցկացրել է Ստաֆորդշիրում: Նա ցանկանում է, որ փոքրիկը տատիկի ու պապիկի կողքին լինի: Աստղային զուգը Բրիտանիա է վերադարձել մասնավոր օդանավով և Լոնդոնի լավագույն ծննդատներից մեկում նախապես սենյակ պատվիրել:
Ռոբի Ուիլյամսը GQ ամսագրի «Տարվա ոճային կուռք» անվանակարգի հաղթողն է: Տարվա լավագույն կատակերգու է ճանաչվել Սաշա Բարոն Քոենը, դերասան՝ Մայքլ Ֆասբենդերը, քաղաքական գործիչ՝ Բորիս Ջոնսոնը, հեռուստաաստղ՝ Դեմիեն Լյուիսը: