Ռուսաստանը կարող է ճնշում գործադրել Սիրիայի իշխանությունների վրա` հանուն այդ երկրում հակամարտության լուծման: Այս մասին հայտարարել է Սիրիայի խորհրդարանական ընդդիմության պատվիրակության ղեկավար Ջամուս Ֆատեհ Մուհամմեդը:
«Ես կարծում եմ, որ Ռուսաստանը կարող է ազդել մեր ռեժիմի վրա ճնշում գործադրելու ճանապարհով և ձեռնարկել մի շարք քայլեր»,- ասել է նա:
Ֆատեհ Մուհամմեդը նշել է, որ օրինական սիրիական ընդդիմությունը հույս ունի, որ Ռուսաստանը կարող է հատուկ դեր խաղալ սիրիական հակամարտության լուծման գործում, քանի որ Մոսկվան, ի տարբերություն արևմտյան երկրների, չի պնդում, որ գոյություն ունեցող սիրիական ռեժիմը պետք է տապալվի:
Դրա հետ մեկտեղ ընդդիմության ներկայացուցիչները նշել են, որ Սիրիայի ներկայիս իշխանությունները պատասխանատու են երկրում կատավող իրադարձությունների համար: