Լիբիան և Իրաքն այսօր պաշտոնապես հայտարարել են դիվանագիտական հարաբերությունները վերականգնելու մասին, որոնք խզվել էին մոտ 10 տարի առաջ:
Համապատասխան պայմանավորվածություն ձեռք է բերվել երկու պետությունների ԱԳՆ ղեկավարներ Խոշիյար Զիբարի և Աշուր բեն Խայալի միջև Կահիրեում տեղի ունեցող Արաբական պետությունների լիգայի նախարարական խորհրդակցության ժամանակ:
Միաժամանակ Բաղդադում և Տրիպոլիում հրապարակված Իրաքի և Լիբիայի ԱԳՆ շրջաբերականներում նշվում է, որ եգիպտական մայրաքաղաքում տեղի ունեցող բանակցությունների ժամանակ, բացի դեսպանների մակարդակով դիվանագիտական հարաբերությունների վերականգնումից՝ պարտավորվել են ստեղծել անհրաժեշտ պայմաններ երկու մայրաքաղաքներում շուտափույթ առաքելություններ բացելու նպատակով: Ինչպես նշում է լիբիական կողմը, այդ համաձայնագրին նախորդել են ինտենսիվ բանակցությունները երկու երկրնեի միջև, որոնք տեղի են ունեցել տարիների ընթացքում:
2003 թվականի հունիսին Լիբիան որոշում էր կայացրել խզել դիվանագիտական հարաբերություններն Իրաքի հետ և Բաղդատից հետ կանչել իր դիվանագետներին այն բանից հետո, երբ ԱՄՆ պետդեպարտամենտը հայտարարել էր այն մասին, որ երկրում գտնվող դիվանագետներն այլևս չեն կարող օգտվել դիվանագիտական կարգավիճակից, որը ներկայացված էր Սադամ Հուսեյնի վարչակարգի կողմից: Այն ժամանակ Վաշինգտոնը մյուս պետություննրին խորհուրդ տվեց Բաղդադ չուղարկել իր ներկայացուցիչներին, մինչև իրաքյան նոր կառավարության ձևավորումը:
