Այսօր` սեպտեմբերի 5-ին, վրաերթ է տեղի ունեցել Երևանում: Ժամը 20,40-ի սահմաններում Հերացու փողոցում «Դեյվու» մակնիշի Լ 1421 համարանիշի ավտոմեքենայի վարորդը, 25-ամյա Կարեն Բաղդասարյանը վրաերթի է ենթարկել հետիոտնին:
Դեպքի վայրից ֆոտոլրագրող Գագիկ Շամշյանը shmashyan.com-ին հայտնել է, որ հետիոտնը, ով ըստ նախնական տեղեկությունների, մոտ 50 անց կին է, տեղում մահացել է:
Գ.Շամշյանը հայտնել է, որ հետիոտնը փողոցն անցնելիս է եղել չթույլատրելի հատվածում, երբ վրաերթի վայրից մի քանի մետր հեռավորության վրա գործում է հետիոտնի համար նախատեսված վերգետնյա անցում:
Դեպքի վայր են ժամանել Ճանապարհային ոստիկանության 1-ին սպայական գումարտակի 1-ին դասակի աշխատակիցները` գումարտակի ծառայության ավագ տեսուչ Աշոտ Սայադյանի գլխավորությամբ:
Տեղում են եղել նաև Ոստիկանության Մարաշի բաժանմունքի աշխատակիցները` քրեական հետախուզության խմբի ավագ օպերլիազոր Իգոր Մեսրոպյանի գլխավորությամբ:
Այս պահին Ոստիկանությունը փորձում է պարզել վրաերթի ենթարկվածի ինքնությունը:
Դեպքի վայր են ժամանել փորձագետը, դատական բժիշկը և ՃՈ 1-ին սպայական գումարտակի հրամանատար Եղիշե Ենգիբարյանը:
Վրաերթի վայրում քննչական աշխատանքները ղեկավարում է Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Արթուր Գասոյանը:
