Ռուսաստանի Իվանովո քաղաքի 2-րդ հիվանդանոցից փախել է Ադրբեջանի քաղաքացի Մուրադ Փաշաևը, ում բժիշկները կույր աղիքի վիրահատություն են արել, հաղորդում է aze.az-ը:
Հաղորդվում է, որ նա հիվանդանոց է ընկել ոստիկանության կողմից ձերբակալվելուց գրեթե անմիջապես հետո: Նրան մեղադրում են դրամական շորթումների մեջ: Հետաքննությունը պարզել է, որ Փաշաևը հանդես է եկել որպես միջնորդ անշարժ գույքի առք ու վաճառքի գործարքների ժամանակ և յուրացրել այցելուների գումարները:
Հիմա քաղաքում հատուկ ոստիկանական միջոցառումներ են իրականացվում նրան գտնելու համար: Իրավապահները չեն մեկնաբանում, թե ինչպես է նա կարողացել փախչել հսկվող հիվանդանոցից:
