Ջուլիան Ասանժի բարձրաստիճան համախոհները ենթադրաբար կորցրել են ավելի քան 300 հազար դոլար: Դա տեղի է ունեցել այն բանից հետո, երբ Wikileaks-ի հիմնադիրը խախտել է գրավով ազատ արձակվելու պայմանը:
Ասանժի գրավի համար գումար հավաքողների մեջ են եղել բրիտանացի ռեժիսոր Քեն Լոուչը, լրագրող Ջոն Փիլջերը և հրատարակիչ Ֆելիքս Դենիսը:
Նրանք բոլորն ընդհանուր առմամբ կորցրել են գրեթե 300 հազար դոլար այն բանի համար, որ Ասանժը չի իրականացրել գրավի դիմաց ազատ արձակվելու պայմանները:
Բացի այդ՝ գումարներ կարող են կորցնել նաև այլ մարդիկ, այդ թվում՝ նոբելյան մրցանակակիր Ջեն Սալսթոնը, որը որպես երաշխիք խոստացել է վճարել 8-30 հազար դոլար: Այս հարցի վերաբերյալ առաջիկայում որոշում պետք է կայացնի լոնդոնյան դատարանը:
