Փետրվարի 9-ին Մաշտոցի պողոտայի հարակից տարածքում շինարարության վրա աշխատող վերամբարձ կռունկն ընկել է, որովհետև ունեցել է տեխնիկական լուրջ անսարքություն: Բանն այն է, որ կռունկի արգելակման հենակները վատ որակի են եղել. շինարարական կազմակերպությունը, գումար խնայելով, գնել է էժան հենակներ:
Հիշեցնենք, որ Բուզանդի փողոցի թիվ 89 շենքի «ՄԼԼ ինդաստրիզ» շինարարական կազմակերպության վերամբարձ կռունկի շրջվելու հետևանքով մահացել էր 1945 թվականին ծնված կռունկավար Վոլոդյա Կարապետյանը:
Նշենք, որ շենքը, որտեղ իրականացվել է շինարարություն, պատկանում է Բարսեղ Բեգլարյանին` Ֆլեշի Բարսեղին` դիզելային վառելիք ներկրող «Ֆլեշ» ընկերության տնօրենին:
Մեր տեղեկություններով, այժմ ամեն ինչ արվում է դեպքի առնչությամբ հարուցված քրեական գործը կոծկելու համար:
Ի դեպ, Բարսեղ Բեգլարյանն իր Ֆլեշ մականունը ստացել է ոչ թե ընկերության անվանումից, այլ այն պատճառով, որ շատ է սիրում պոկեր խաղալ, որտեղ և օգտագործվում է ֆլեշ տերմինը: