Ռիհաննային Փարիզի Eurostar կայարանում ճչացող երկրպագուների բազմություն է դիմավորել: Հենց այդպես էլ ցանկանում էր Ռիհաննան: The Daily Mail-ը գրում է, որ հենց այդ նպատակով էլ երգչուհին նախապես Twitter-ով (25 մլն հետևորդ ունի) հայտարարել էր իր ժամանման վայրն ու ժամը:
Աղբյուրը նշում է, որ Ռիհաննան այդ կերպ թերագնահատել է իր հեղինակությունը: Նրա համար այնտեղ հավաքված բազմությունը իսկական քաոս է առաջացրել կայարանում:
Հետաքրքիրն այն է, որ բացահայտ իրեն դիմավորելու կանչած 24-ամյա աստղն այնուհետև գրել է, թե ֆրանսիացիները խելագար են, և որ ինքը հազիվ է կարողացել իր ճանապարհը բացել: Կայարանի անվտանգության պետը ի պատասխան նրան ծայրահեղ անպատասխանատու է անվանել:
