Եվրոպական կայունացնող հիմնադրամի ղեկավար Կլաուս Ռեգլինգը կանխատեսել է, որ եվրոգոտու պարտքային ճգնաժամը կավարտվի «1-2 տարի անց», եթե արժութային միության անդամները կատարեն իրենց պարտավորությունները: Այս մասին տեղեկացնում է The Daily Telegraph-ը:
Նա նկատել է, որ Եվրոպայի երկրների համար կարևոր է հետևել իրենց բյուջեի դեֆիցիտի մակարդակին ու մեծացնել մրցունակությունը:
Ընդ որում` Ռեգլինգը նկատել է, որ եթե չլիներ կայունացնող հիմնադրամի միջամտությունը, ապա Պորտուգալիան ու Իռլանդիան արդեն լքած կլինեին եվրոգոտին:
Եվրոպական կայունացնող հիմնադրամը պետք է փոխարինի մշտապես գործող կայունացնող հիմնադրամին, որի կապիտալում պետք է մասնակցեն բոլոր երկրները: Կմեծանա և դրա չափը` 440 մլրդ եվրոյից մինչև 500 մլրդ եվրո:
