Ռուսաստանը ԿԺԴՀ-ի հետ պահպանում է մշտական երկխոսություն միջուկային խնդրի շուրջ թե՛ քաղաքական , թե՛ փորձագետների մակարդակով: Այս մասին ինչպես տեղեկացնում է RIA Novosti-ն, հայտարարել է ՌԴ արտգործնախարար Սերգեյ Լավրովը:
«Մենք պատրաստ ենք դրա շարունակմանը վեցակողմ բանակցությունների վերսկսման պայմաններում»,- ասել է նա:
Վլադիվոստոկում մեկնարկած Ասիա-խաղաղօվկիանոսյան տնտեսական համագործակցության շաբաթվա շրջանակում ռուսական արտաքին գերատեսչության ղեկավարը ծրագրել է մի շարք երկկողմանի հանդիպումներ արտասահմանյան իր գործընկերների հետ: Այդ հանդիպումների ընթացքում Լավրովը նշել է. «Մենք կարծիքների փոխանակում կիրականացնենք միջազգային օրակարգի առավել արդիական հարցերի շուրջ»:
«Անշուշտ, դրանց թվում է և Կորեական թերակղզու միջուկային խնդիրը`որպես Արևելյան Ասիայի առավել սուր հարցերից մեկը, ընդգծել է նա:
