Թեհրանում ավարտված Չմիացածների շարժման գագաթնաժողովի մասնակիցները միաձայն պաշտպանել են Իրանի իրավունքը՝ ատոմի խաղաղ օգտագործման շուրջ և դատապարտել Իսլամական Հանրապետության դեմ ԱՄՆ-ի միակողմանի պատժամիջոցները: Այս մասին հաղորդում է իրանական Press TV անգլիալեզու կայքը:
Չմիացածների շարժման 16-րդ գագաթնաժողովը, որը երկու տարի անընդմեջ անցկացվում է Թեհրանում, ավարտվել է ուրբաթ երեկոյան:
Ընթերցելով ամփոփիչ կոմյունիկեն՝ հանդիպումը նախագահող Իրանի նախագահ Մահմուդ Ահմադինեժադը հայտարարել է, որ Չմիացածների շարժման անդամ երկրները նաև դեմ են հանդես գալիս Սիրիայի ներքին գործերին արտաքին միջամտությանը:
Ընդհանուր առմամբ, կոմյունիկեն բաղկացած է շուրջ 700 կետից: Ի թիվս այլ հարցերի՝ կոչ է արվում ամբողջ աշխարհին պայքարել իսլամաֆոբիայի և
ռասիզմի դեմ, ինչպես նաև իրականացնել միջուկային զինաթափում և հետևել մարդու իրավունքներին:
1961թ. ստեղծված Չմիացածների շարժման մեջ մտնում են 120 երկրներ, որոնք միավորվել են որևէ ռազմական բլոկի չմիանալու սկզբունքի հիման վրա:
