ՄԱԿ-ի գլխավոր քարտուղար Պան Գի Մունը ճիշտ է համարել Իրան կատարած իր այցը: Նրա խոսքերով` քննադատները սխալվում են` թերագնահատելով իր այցի կարևորությունը, ինչպես նաև գլխավոր քարտուղարի անձնական որակները:
«Ես համոզված եմ դիվանագիտական ճանապարհի հզորության մեջ: Դա հենց այն էր, ինչով ես զբաղվել եմ այցի ժամանակ»,- Reuters-ին տված հարցազրույցում հայտարարել է ՄԱԿ-ի գլխավոր քարտուղարը:
«Ես չեմ հասկանում, թե ինչու է իմ այցն այդքան քննադատական արձագանք գտնում: Ես ՄԱԿ-ի գլխավոր քարտուղարն եմ և մանդատ ունեմ դիվանագիտական հարաբերություններ վարելու այն երկրների ղեկավարների հետ, որոնք կազմակերպության անդամ են»,- հավելել է նա:
