Այսօր` օգոստոսի 31-ին, վրաերթ է տեղի ունեցել Երևանում: Ժամը 19:00-ի սահմաններում Երևանի բնակիչ, 38-ամյա Արտակ Ավդալյանը, վարելով «Գրանդ Չերոկի» մակնիշի 55 ՕՕ 505 համարանիշի ավտոմեքենան, Դավիթաշեն վարչական շրջանի Տիգրան Պետրոսյան փողոցում վրաերթի է ենթարկել հետիոտնին:
Ֆոտոլրագրող Գագիկ Շամշյանը shamshyan.com-ին հայտնել է, որ հետիոտնը` Երևանի Այգեձոր փողոցի բնակիչ, 54-ամյա Գոհարիկ Ավալյանը, փողոցն անցնելիս է եղել չթույլատրելի հատվածով:
Գ.Ավալյանին տեղափոխել են «Արմենիա» բժշկական կենտրոն, որտեղ և մահացել է:
Դեպքի վայր են ժամանել Ոստիկանության Դավիթաշենի բաժանմունքի, համայնքային ոստիկանության և պարեկապահակային ծառայության աշխատակիցները, ովքեր էլ վարորդին տեղափոխել են Ոստիկանության Դավիթաշենի բաժանմունք:
Արդեն դեպքի վայր են ժամանում Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Աշոտ Ասատուրյանը:
Փաստի առթիվ ՃՏՀ քննության բաժնում նյութեր են նախապատրաստվում: Ավտոմեքենան տեղափոխվելու է ՃՈ հատուկ պահպանման տարածք:
