Կարմիր խաչի ու Կարմիր մահիկի միջազգային կազմակերպությունները խոսում են Սիրիայից փախստականների զանգվածային արտահոսքի մասին, La Repubblica թերթում տպագրված հոդվածում գրում է Պիետրո Դել Ռեն:
«Սիրիացիները Հալեպից ու Իդլիբից փախչում են, քաղաքներ, որոնք նախագահ Բաշար Ասադի ավիացիան մի քանի շաբաթ ռմբակոծում է: Թուրքական փորձագետների տվյալով` թուրքական Քիլիս բնակավայրի մոտ արդեն հավաքվել է 5 հազար փախստական: Եվս 2 հազարն արգելափակված է Բաբ-Ալ-Խավա շրջանի սահմանին: Այն բոլոր ճամբարները, որ բացել են թուրքական իշխանությունները Սիրիայի հետ սահմանին, արդեն լիքն են»,- գրում է հրատարակությունը:
«Մյուս սիրիացիները՝ զրկված տանիքից, սակայն Թուրքիայում բարեկամներ կամ դրամ ունեցող, անօրինական ճանապարհներով մաքսանենգների ճանապարհներով հատում են երկու երկրների սահմանը: Գիշերը հնարավոր է տեսնել սահման ուղևորվող շատ ընտանիքների, ավելի հաճախ` կանանց ու երեխաների: Խոսքը գնում է քաղաքացիական պատերազմից փախուստի դիմողների մասին, որը դառնում է ավելի կոշտ»,- գրում է հրատարակությունը:
«Մոտակա օրերին Թուրքիայի տարածքում կկառուցվեն ևս մի քանի ճամբարներ փախստականների համար, որոնք կարող են ընդունել մինչև 40 հազար մարդու: Այսկերպ, հնարավորություն կստեղծվի ընդունել մինչև 120 հազար մարդու»,- ասել է Թուրքիայի արտակարգ իրավիճակների գործակալության ներկայացուցիչ Մուստաֆա Այդոգուն:
Հոդվածագիրը գրում է, որ վերջին օրերին փախստականների հոսքը Թուրքիա մեծացել է 500-ից 5000 մարդ օրական:
