Հիշեցենք, որ Ժողովրդական կուսակցության նախագահ Տիգրան Կարապետյանը վերջին հանրահավաքի ժամանակ իշխանություններին նախազգուշացրել էր, որ եթե մինչև փետրվարի 28-ը իրենց պահանջները չկատարվեն, ապա իրենք իշխանությանը կարմիր քարտ են ցույց տալու։
Այսօր լրագրողները նրան խնդրեցին բացահայտել այդ քայլերը, ինչին ի պատասխան Տիգրան Կարապետյանը արձագանքեց. «Մենք չենք ուզում բացահայտել մեր քայլերը, կներեք։ Ես կարող եմ ասել նախապես, բայց կարծում եմ՝ չարժե։ Ամսի 28-ին լինելու է հանրահավաք։ Մարտի 1-ին երթ և մոմավառություն՝ ի հիշատակ Մարտի 1-ի զոհերի, իսկ մարտի 11-ին դարձյալ լինելու է հանրահավաք, բայց այլ ձևով»։
Տիգրան Կարապետյանը նաև նշեց, որ երթը արտոնված չէ, բայց մոմավառությունը արտոնված է քաղաքապետարանի կողմից։
Ի դեպ, Տիգրան Կարապետյանը ևս Հայրենիքի պաշտպանի օրվա կապակցությամբ իր հարգանքի տուրքը մատուցեց անհայտ զինվորի հիշատակին։