Քիլում բրեմենցի տարրական դասարանների ուսուցիչն օգոստոսի 29-ին հրահրել է Շլեզվիգ-Հոլշտայն լանդթագի էվակուացիան: Նա այնտեղ է ուղարկել լապտերների ստուգման համար նախատեսված ինքնաշեն տեստերով, կասկածելի տեսք ունեցող մի փաթեթ,- գրում է Die Welt-ը: Տեղի վարչակազմի փոստային ծառայության աշխատակիցները փաթեթում հաղորդալար են տեսել և ոստիկանություն կանչել:
Արդյունքում հարյուրավոր մարդիկ են էվակուացվել լանդթագից, ինչպես նաև ֆինանսների նախարարության հարևան շենքից:
Դեպքի վայր ժամանած սակրավորները ռումբի փոխարեն լապտերների ստուգման տեստեր են հայտնաբերել, որը, ըստ ամենայնի, պատրաստել էին բրեմենցի աշակերտները:
Ուղերձում ուսուցիչը նշել է ոչ միայն իր հետադարձ հասցեն, այլև թերթերից կտրված հատվածներ, որոնցում նշվում է, որ նախքան լապտերները թափելը պետք է ստուգել դրանց մարտկոցների լիցքավորվածությունը: Ոստիկանությունը ենթադրել է, որ ուսուցիչը մի կազմակերպության անդամ է, որը քարոզում է էկոլոգիական մոտեցում ցուցաբերել մարտկոցների նկատմամբ: Նրանք համարել են, որ ուսուցիչը նման աղմուկ կանխամտածված չի բարձրացրել, սակայն ստիպված կլինի վճարել սակրավորների և ոստիկանության այցելության ծախսը:
