Բրիտանական The Rolling Stones խումբը 4 մեծ համերգ կունենա` նվիրված խմբի 50-ամյակին: Այս մասին Billboard հրատարակությանը հայտնել է անհայտ աղբյուրը:
Նրա տվյալով` խմբի շոուն տեղի կունենա 2012-ի նոյեմբերին. երկուսը` Լոնդոնի O2 Arena դահլիճում, երկուսը` Նյու Յորքի Barclays Center-ում: Համերգի կազմակերպիչներն են միլիարդատեր Ռիչարդ Բրենսոնը և ավստրալիացի Փոլ Դեյնթին: 4 համերգի համար «ռոլինգները» կստանան ընդհանուր 25 մլն դոլար` հավելել է աղբյուրը:
Ավելի վաղ The Rolling Stones-ի անդամները հայտարարել էին, որ չեն պատրաստվում խմբի 50-ամյակի առթիվ համերգային շրջագայություն կազմակերպել:
The Rolling Stones-ի վերջին ստուդիական ալբոմը` A Bigger Bang-ը, լույս է տեսել 2005-ին: Դրանից հետո խումբը համատեղ գործունեություն չի ծավալել:
