Մահապարտը, որի ինքնապայթեցման հետևանքով զոհվել էր Դաղստանի հոգևոր առաջնորդներից մեկը` Սաիդ Աֆանդին, բրեյք-դանսի պարուհի, Մախաչկալայի դրամատիկական թատրոնի նախկին դերասանուհի, 30-ամյա Ամինատ Կուրբանովան է:
Ահաբեկչության զոհ էր դարձել յոթ մարդ:
Իրավապահ մարմինների ներկայացուցչի խոսքով` անցած տարի հերթական ամուսին-գրոհայինի մահվանից հետո Կուրբանովան նախապատրաստվել է որպես «կենդանի ռումբ»:
«Երկու անգամ մեզ հաջողվել է կանխել ահաբեկչությունը նախապատրաստման փուլում: Դրանցից մեկը անցած տարի էր, երբ մահապարտ կինը ավտոբուսով ուղևորվում էր Մոսկվա: Հավանաբար նա նկատել է, որ իրեն հետևում են, և Ստավրոպոլում ավտոբուսից իջել է, աղբամանն է նետել «շահիդի գոտին», որից հետո վերադարձել է Դաղստան»,- ասել է նա:
