«Մենք նախկինի պես կարծում ենք, որ Ադրբեջանում ահաբեկչության սպառնալիքը իրական է: Այդ կապակցությամբ, մենք համագործակցում ենք տեղի համապատասխան կառույցների հետ և կոչ ենք անում մեր քաղաքացիներին զգոն լինել Ադրբեջան այցելելիս», ОбъективТВ-ին տված հարցազրույցում ասել է Ադրբեջանում ԱՄն դեսպանատան խոսնակ Քեյթ Բինը:
Ադրբեջանա-ամերիկյան հարաբերությունների մասին խոսնակն ասել է, որ Վաշինգտոնը մտադիր է ամրապնդել երկկողմ համագործակցությունը ամենատարբեր ոլորտներում, իսկ Ադրբեջանում իրականացվող բարեփոխումների մասին նա կարծիք է հայտնել ,որ Միացյալ Նահանգները երկարատև հարաբերություններ կառուցում են միայն քաղաքական բարեփոխումներ իրականացնող երկրների հետ:
