Երբ Եգիպտոսում հրաժարականից մեկ օր առաջ Հոսնի Մուբարաքը հայտարարեց, որ չի պատրաստվում թողնել պաշտոնը, բոլորը զարմացան, թեպետ և պարզ էր, որ Մուբարաքն այլևս ոչ մի շանս չունի: Հիմա էլ նույն իրավիճակում է Քադաֆին:
Այսօր Time ամսագիրը գրել է, որ Լիբիայի ղեկավարը հրամայել է նախապատրաստել նավթամուղերի պայթեցում: Ըստ ամսագրին տեղեկությունը հայտնած անձի` դա ուղերձ կլինի ցուցարարներին` կա՛մ ես, կա՛մ քաոս: Ըստ ամսագրի աղբյուրի` Քադաֆին հասկանում է իր վիճակի ողջ լրջությունը, և այն, որ չի կարող վերադարձնել իշխանությունը, սակայն պատասրտվում է ստիպել իր հակառակորդներին զղջալ «դավաճանության» համար` վերածելով երկիրը նոր Սոմալիի:
Բացի այդ, Քադաֆին պատրաստվում է բանտերից դուրս թողնել հանցագործների, ինչը կարագացնի երկիրը քաոսի վերածելու գործընթացը: Լիբիայի նախագահն, ըստ աղբյուրի, այս պահին ունի միայն իր ցեղի` Ալ-Քադաֆայի և զինվորականության մի փոքր մասի աջակցությունը: