ԱՄՆ-ում մահացել է լեգենդար լուսանկարիչ Մալկոլմ Բրաունը` այն լուսանկարի հեղինակը, որում դրոշմված է Վիետնամում բուդդայական կրոնավորի ինքնահրկիզումը:
Բրաունը մահացել է օգոստոսի 28-ի գիշերը Նյու Հեմփշիրի հիվանդանոցում: Նա ավելի քան 10 տարի տառապել է Պարկինսոնի հիվանդությամբ: Ֆոտոլրագրողը 81 տարեկան էր,- փոխանցում է РБК-ն:
1963-ին Բրաունը լուսանկարել է դեպքը, երբ վիետնամական գյուղերից մեկի բուդդայական կրոնավոր Թհիթ Քուանգ Դիկը, ի նշան բուդդայականների նկատմամբ Վիետնամի առաջին նախագահ Նգո Դին Զեմի ռեժիմի ճնշումների դեմ բողոքի, հրկիզել է իրեն Սայգոնում (ներկայիս Հոշիմինը):
Մոտ 15 տարի առաջ Բարաունը հիշում էր, որ այդ ինքնահրկիզումը պատճառ է դարձել, որ Նգո Դին Զեմին սպանեն:
Մալկոլմ Բրաունն ավելի քան 30 տարի որպես թղթակից աշխատել է New York Times-ում` մասնագիտանալով թեժ կետերում աշխատելու մեջ:
1966-ին նրան Պուլիտցերյան մրցանակ է շնորհվել:
