«Միացյալ Վրաստան» ընդդիմադիր շարժման առաջնորդ, Վրաստանի խորհրդարանի նախկին խոսնակ Նինո Բուջանաձեն Маэстро հեռուստաընկերության եթերում հայտարարել է, որ ընդդիմությունը մտադիր չէ իշխանափոխություն կատարելու համար սպասել հաջորդ տարվա խորհրդարանական հերթական ընտրություններին:
«Համաշխարհային իրադարձությունները ցույց են տալիս, որ անհրաժեշտ է ոչ թե ընդդիմության, այլ ժողովրդի միասնություն: Մենք պատրաստ ենք խաղաղ հեղափոխությամբ ստիպել Սաակաշվիլիին հեռանալ՝ միաժամանակ զգուշացնելով իշխանություններին, որ չպետք է ուժ կիրառվի բողոքի ակցիաների դեպքում»,- ասել է Բուրջանաձեն:
Նա շեշտել է, որ բնակչության մեջ փոփոխությունների պատրաստակամություն կա, քանի որ հակառակ դեպքում ավելի վատ կարող է լինել:
«Սաակաշվիլիի վարկանիշը առասպել է: Մենք կստիպենք նրան հեռանալ, երբ փողոց դուրս կգան հարյուրհազարավոր մարդիկ»,- հայտարարել է նախկին խոսնակը:
