30 տարվա համատեղ կյանքից հետո բասկետբոլիստ Քրիս Համֆրիսի ծնողներն ամուսնալուծվել են: Նրանց ամուսնալուծության գործընթացը երկար ժամանակ չի խլել, մինչդեռ նրանց որդու և հարսի՝ Քիմ Քարդաշյանի ամուսնալուծության գործը դեռևս ընթացքի մեջ է:
Քարդաշյանն ու Համֆրիսը 1 տարի 1 շաբաթ առաջ 440 հյուրերի ու բազմաթիվ տեսախցիկների առջև իրենց կյանքն են կապել միմյանց հետ: Նրանք որոշեցին իրենց ամուսնական կապն ընդհատել 72 օր անց, սակայն ձգձգվող դատական գործընթացի պատճառով նրանք օրենքով շարունակում են ամուսիններ մնալ:
Ի տարբերություն Քրիսի՝ նրա ծնողները իրենց ամուսնալուծության պայմանները համաձայնեցրել էին նախապես՝ մինչ դատարան փաստաթղթեր ներկայացնելը:
TMZ.com-ի փոխանցմամբ՝ ըստ համաձայնագրի՝ կողմերից ոչ մեկը ֆինանսական առումով ամուսնական աջակցություն չի ստանա:
Ուիլյամին կանցնեն Մինեսոտայի տունը, նավն ու BMW մակնիշի ավտոմեքենան: Ունեցվածքի բաշխման Դեբրայի մասնաբաժնի մասին չի հաղորդվում: Դեբրան հայտնել է, որ ամուսնալուծության պատճառը ամուսնական հարաբերությունների անդառնալի քայքայումն է:
Դատական ծախսերը կհոգա Ուիլյամը:
