Երկուշաբթի Խաղաղ օվկիանոսում՝ Սալվադորի մերձափնյա տարածքում, տեղի է ունեցել 7,4 մագնիտուդ ուժգնությամբ երկրաշարժ: Տուժածների և ավերածությունների մասին տեղեկություն չի հաղորդվել,- ասվում է ԱՄՆ-ի երկրաբանական ծառայության կայքում տեղադրված հաղորդագրության մեջ:
Ստորգետնյա ցնցումը տեղի է ունեցել կիրակի երեկոյան` 22.37-ին, էպիկենտրոնը եղել է Ուսուլութան քաղաքից 125 կմ հարավ: Երկրաշարժի օջախը եղել է 50,6 կմ խորության վրա:
Սեյսմոլոգների տվյալներով` ցունամիի վտանգ չկա,- փոխանցում է РИА Новости-ն:
Սալվադորով անցնում է խաղաղօվկիանոսյան «Կրակի գոտին»` հրաբուխների և տեկտոնական ճեղքերի` 40 000 կմ երկարությամբ գիծը: Այն գոտևորում է Խաղաղ օվկիանոսը, ձգվում է Հարավային և Հյուսիսային Ամերիկաների ափերի երկայնքով` հասնելով մինչև Ալյասկայի հարավային մասը, հետո թեքվում է դեպի Ճապոնիա, Ֆիլիպիններ և Ինդոնեզիա ու ավարտվում է Նոր Գվինեա կղզու, Նոր Զելանդիայի և Օվկիանիայի հարավարևմտյան շրջանում:
«Կրակի գոտում» է գտնվում աշխարհի հրաբուխների զգալի մասը: Հենց այնտեղ է գրանցվում Երկրի վրա տեղի ունեցող երկրաշարժերի 90%-ը:
