ԱՄՆ նախագահ Բարաք Օբաման տիեզերագնաց Նիլ Արմսթրոնգին անվանել է «Ամերկայի մեծագույն հերոսներից մեկը»: Այս մասին հաղորդում է Agence France-Presse-ը: Լուսնի վրա առաջինը ոտք դրած Արմսթրոնգը 82 տարեկան հասակում մահացել է օգոստոսի 25-ին:
Սպիտակ տան տարածած հայտարարության մեջ ասվում է, որ «Արմսթրոնգն ու իր ընկերներն աշխարհին ցույց են տվել, որ ամերիկյան ոգին կարող է հաղթահարել երևակայական սահմանները, որ ցանկության դեպքում հնարավոր է ամեն ինչ: Լուսնի մակերևույթին Արմսթրոնգի առաջին քայլը դարձավ մարդկության նվաճում, որը երբեք չի մոռացվի: Նիլը Ամերիկայի մեծագույն հերոսներից մեկն է` ոչ միայն իր, այլև բոլոր ժամանակների»:
«Ազատություն» ռադիոկայանի ռուսական ծառայությունը հաղորդում է, որ Արմսթրոնգի ընտանքի հայտարարության համաձայն` նա մահացել է օգոստոսի սկզբին տարած սրտի վիրահատությունից հետո ի հայտ եկած բարդություններից:
Նիլ Արմսթրոնգն առաջին մարդն է, որը ոտք է դրել Լուսնի վրա: Դա տեղի է ունեցել 1969 թվականի հուլիսի 20-ին «Ապալոն 11» տիեզերանավով:
2011-ի նոյեմբերին Արմսթրոնգը տիեզերագնաց իր երեք ընկերների հետ միասին արժանացել է Կոնգրսի ոսկե մեդալի` ԱՄՆ-ի բարձրագույն քաղաքացիական պարգևի:
