Միացյալ ազգերի կազմակերպության մարդու իրավունքների գլխավոր հանձնակատար Նավի Փիլայը հայտարարել է, որ անհրաժեշտ է անցկացնել Լիբիայում տեղի ունեցող դեպքերի միջազգային քննություն: Նա նաև ասել է, որ այն ամենն, ինչ վերջին օրերին գործել են լիբիական իշխանությունները, «հանցագործություն է մարդկության հանդեպ»: Այս մասին հաղորդում է Associated Press գործակալությունը:
Նա կոչ է արել անհապաղ դադարեցնել մարդու իրավունքների մեծածավալ և համակարգային խախատումները:
BBC-ի փոխանցմամբ, Լիբիայի քաղաքների փողոցներում գործում են Մալիից, Չադից և Նիգերից ժամանած վարձկաններ, որոնք ներկայանում են որպես Լիբիայի անվտանգության ուժերի ներկայացուցիչներ:
BBC-ի արաբական ծառայությանը տված հարցազրույցում լիբիացի Գոմա Ալ Գամաթին հայտարարել է, որ վարձկանները սպանում են փողոցում հայտնված ցանկացած մարդու և որպեսզի հետքերը մաքրվի, նրանց հետևից շրջող մեքենան հավաքում է դիակները, տեղափոխում դրանք «Մաաթեքա» կոչվող ռազմաբազա և այրում դրանք:
Քիչ առաջ Լիբիայի պետական հեռուստաընկերությունը փոխանցել է, որ Քադաֆին պատրաստվում է դիմել հեռուստաուղերձով Lիբիայի ժողովրդին: Ըստ հեռուստաընկերության` դա կարող է տեղի ունենալ երկրի կենտրոնական հրապարակում:
