Ինչպես գրում են համաշխարհային լրատվամիջոցները՝ հղում անելով տարբեր փորձագիտական կենտրոնների, նավթի գները կարող են նոր ռեկորդներ սահմանել, եթե մերձավորարևելյան հեղափոխությունների շղթան մոտ ապագայում չկտրվի: Լիբիան, որը տարածաշրջանի ամենախոշոր նավթ և գազ արդյունահանող երկիրն է, նավթի գները բարձրացրել է վերջին մի քանի տարիներին չգրանցված մակարդակի: Երեկ տարածաշրջանից արտահանվող Brent մակնիշի նավթի գինը կազմել է 105.47 դոլար/բարել: Այս գինը վերջին անգամ սահմանվել էր 2.5 տարի առաջ:
Մասնագետների գնահատականով, նավթը մոտ ապագայում կհասնի 110 դոլար/բարելի և մեկ-երկու ամիս կմնա այդ սահմանագծում: Սակայն եթե հերթական երկիրը հայտնվի հեղափոխական ծիրում, ապա այդ գները կարող են շեշտակի աճել` հասնելով 2008 թ. ռեկորդներին, երբ գինը դարձել էր 147 դոլար/բարել: Փորձագետներին ամենաշատը մտահոգում է Սաուդյան Արաբիան, քանի որ այս երկիրն է աշխարհի ամենաշատ նավթ արդյունահանող և արտահանող երկիրը:
Այսօր OPEC-ի նավթային զամբյուղի գինը հատել է 100 դոլարի սահմանը մեկ բարելի դիմաց, ինչը չէր արձանագրվել 2008 թ. սեպտեմբեր ամսից:
Նյութերը վերցված են RBC կայքից:
