«Առաջին լրատվականը» երեկ հաղորդել էր, որ տարբեր երկրներում Լիբիայի մի շարք դեսպաններ մեկը մյուսի հետևից անցնում են ցուցարարների կողմը: Երեկ դա արել էր ՄԱԿ-ում Լիբիայի ներկայացուցիչը` Քադաֆիի գործողություններն անվանելով «ցեղասպանություն»:
Այդօրինակ հայտարարություններ են արել Հնդկաստանում, Լեհաստանում, ԱՄՆ-ում, Բանգլադեշում երկրի դեսպանները: Բանգլադեշում Լինժբիայի դեսպանը նույնիսկ հայտարարել է հրաժարականի մասին, երբ իմացել է, որ Լիբիայում սպանվել են իր բարեկամները: Որոշ տեղեկություններով, հրաժարական է տվել նաև Հնդկաստանի դեսպանը:
ԱՄՆ-ում Լիբիայի դեսպանը կոչ է արել համաշխարհային հանրությանը դատապարտել լիբիական իշխանությունների գործողությունները, իսկ Քադաֆիին` անհապաղ լքել զբաղեցրած պաշտոնը:
«Ես կարծում եմ, որ նա պետք է հրաժարական տա… և իր ժողովրդին հնարավորուն տա ինքնուրույն կառուցել սեփական ապագան: Նա այլ ելք չունի»,- ասել է դեսպանը: Այս մասին հաղարդում է Associated Press գործակալությունը:
Աշխարհում տեղի են ունենում բողոքի ակցիաներ, որտեղ ցուցարարներն իրենց աջակցությունն են հայտնում լիբիական ժողովրդին:
Հայտնի է, որ Մալայզիայում ցուցարարները ներխուժել են Լիբիայի դեսպանատուն` պատռելով Քադաֆիի նկարները: