Այն, որ շաքարվազի 1 կգ-ի գինը կհասնի 850 դրամի՝ չափազանցված է, քանի որ նման թռիչքներ չեն լինում, բայց որ անշեղորեն բարձրանում է և էլի կբարձրանա՝ իրականություն է։ Այս մասին մեզ հետ զրույցում նշեց սպառողների ազգային ասոցիացիայի նախագահ Արմեն Պողոսյանը։
«Ստույգ չափերը չեմ կարող միանշանակ ասել, բայց թանկացման միտումը երևում է, և ամենասարսափելին այն է, որ երբ սկսեց աշխատել մեր հայկական շաքարի գործարանը, շաքարվազը սկսեց վաճառել ավելի թանկ, քան ներկրվածը։
Այսինքն՝ այստեղ կառավարությունը և էկոնոմիկայի նախարաությունը շատ ու շատ անելիքներ ունեն։ Աջակցել ձեռնարկությանը ստադրատների և պայմանների առումով, նորմատիվային ակտերի առումով այնպես, որ տեղական արտադրությունը ավելի նպաստավոր և էժան լինի»,- մեզ հետ զրույցում նշեց Արմեն Պողոսյանը և ավելացրեց, որ օվկիանոսի այն կողմից բերված շաքարավազը չի կարող և չպետք է լինի ավելի թանկ, քան տեղականը։
Ի դեպ, Արմեն Պողոսյանը նշեց, որ 850 դրամի մասին խոսակցությունները մարդկանց ահաբեկելու, վաճառքը ակտիվացնելու միջոց են։
