«Վրացական երազանք» կոալիցիայի կողմից մեծամասնական ընտրակարգով պատգամավորության թեկնածու առաջադրված Իրակլի Ալասանիայի հայտարարության համաձայն՝ իշխանափոխության համար պայքարում որոշիչ դեր են խաղում Զուգդիդի քաղաքը և Սեմեգրելո շրջանն ընդհանրապես,- գրում է «Գրուզիա. Օնլայնը»:
«Թեկնածու լինելը այնպիսի քաղաքից, ինչպիսին Զուգդիդին է, ինձ համար մեծ պատիվ է: Մենք բոլորս լավ հիշում ենք, որ ամենամեծ ցավը՝ քաղաքացիական հակազդեցություն, տարածքային ամբողջականության կորուստ, հենց այս քաղաքն է տարել, սակայն, չնայած դժվարություններին, Աբխազիայում իրականացված էթնիկ զտումների ժամանակ այն իր դռները լայնորեն բացել է փախստականների առջև։ Ես հավատում եմ, որ այս քաղաքի և ամբողջ Վրաստանի բնակիչները հոկտեմբերին ճիշտ ընտրություն կկատարեն: Այսօր մենք ակտիվորեն նախապատրաստվում ենք կայանալիք ընտրություններին»,- հայտարարել է Իրակլի Ալասանիան: