Ադրբեջանում և Թուրքիայում ԱՄՆ նախկին դեսպան Ռոսս Ուիլսոնը մտահոգություն է հայտնել, որ Ղարաբաղյան հակամարտության կարգավորման գործընթացը չափազանց դանդաղ է ընթանում:
«Կարգավորման գործընթացը ակնկալվածից երկար է ձգվում: Ղարաբաղի շուրջ առկա իրավիճակի միջազգային մոնիթորինգի ավելացման անհրաժեշտություն կա». APA-ին ասել է Ուիլսոնը:
Նա գտնում է, որ հակառակ դեպքում մեծանում է հակամարտության սրացման հավանականությունը, իսկ այս հակամարտությունը այլ առճակատումների հետ միասին տարածաշրջանային անվտանգության հիմնական խոչընդոտներն են:
«Տարածաշրջանային համագործակցությունը, այդ թվում Հայաստանի և Թուրքիայի միջև, կօգնի խնդրի լուծմանը»,- հայտարարել է Ուիլսոնը:
Իսկ ամերիկյան Վերլուծական միության գիտաշխատող Յան Բժեզինսկին գտնում է` վերջին տարիներին իրավիճակը Ղարաբաղում զգալիորեն սրվել է, ինչն ավելացնում է լարվածությունը տարածաշրջանում:
«Միջազգային հանրությունը, այդ թվում` ԱՄՆ-ն, կոնկրետ քայլեր չի ձեռնարկում հակամարտության կարգավորման ուղղությամբ»,- ասել է Բժեզինսկին:
