Վրաստանի նախկին նախագահ Էդուարդ Շևարնաձեն երկրի ներքին կյանքում կանխատեսել է թունիսյան կամ եգիպտական սցենար:
Взгляд-ին նա ասել է, որ երկրում անընդհատ աճում է դժգոհների քանակը և արդեն մոտեցել է «վտանգավոր սահմանի»:
«Չի բացառվում, որ հեղափոխական ալիքը հասնի նաև Վրաստան: Մենք դեռ նորմալ երկիր չենք, հենց թեկուզ միայն այն պատճառով, որ ոչ մի նորմալ երկիր թշնամական հարաբերություններ չի ստեղծում իր հարևանների հետ»,- ասել է Շևարնաձեն:
Նա գտնում է, որ Վրաստանի կայունության հիմնական սպառնալիքը ոչ թե Ռուսաստանն է, այլ «սոված ու անտուն մարդիկ»:
