«Արևելյան գործընկերության» և Եվրամիության գագաթաժողովի տեղափոխումը ծրագրի ակտիվացման և Լեհաստանի իմիջի բարձրացման լավ հնարավորություն է», ասվում է լեհական demosEuropa վերլուծական կենտրոնի զեկույցում: Ի դեպ, զեկույցի հրապարակումը համընկել է գագաթնաժողովի տեղափոխման մասին տեղեկության հայտնվելուն:
Զեկույցում առաջարկվում է Եվրամիության հետ համագործակցության ավելի մեծ հնարավորություններ տալ «գործընկերության» այն երկրներին, որոնք ավելի մեծ հաջողության են հասել բարեփոխումներ և ժողովրդավարության հաստատման ոլորտներում, ընդհուպ մինչև ԵՄ անդամակցության հնարավորություն:
Լեհ վերլուծաբանները նաև առաջարկում են, որ ԵՄ-ն ավելի մեծ ուշադրություն դարձնի ծրագրի անդամ երկրների տարածքներում առկա սառեցված հակամարտություններին: «Առանց այդ հակամարտությունների իրական լուծման, ԵՄ-ի հետ իսկական դաշնակցային հարաբերություններն անհնար են», ասվում է զեկույցում:
Միևնույն ժամանակ նշվում է, որ «Արևելյան գործընկերության» շոշափելի հաջողություններից է օրինակ, վիզաների ռեժիմի վերացման և ազատ առևտրի գոտու ստեղծման շուրջ բանակցությունները:
