Ռուսաստանին, Բելառուսին ու Ղազախստանին միավորող Մաքսային միությունը սկսել է գործել երկու տարի առաջ: 2011 թվականի հունիսին երեք պետությունների միջև վերացվեց մաքսային վերահսկողությունը, իսկ նույն թվականի հոկտեմբերին հայտարարվեց Ղրղըզստանի՝ Մաքսային միությանը միանալու մասին, գրում է novayagazeta.ru-ն:
Կարծիք կար, որ Մաքսային միությունը մեծ օգուտ կբերի բոլոր անդամ երկրներին: Սակայն հենց սկզբից Միության ստեղծումն ուղեկցվեց փոխադարձ մեղադրանքերով և սկանդալներով: 2010 թվականին նույնիսկ հայտարարվեց, որ այն կգործի առանց Բելառուսի մասնակցության: Ավելի ուշ հակասությունները հարթվեցին:
Կառույցի ոչ այնքան արդյունավետ գործունեության պատճառ է համարվում համաշխարհային ֆինանսատնտեսական ճգնաժամն ու Բելառուսում անցած տարի անկայուն իրավիճակը:
Ավելի վաղ այդ երկրի նախագահ Ալեքսանդր Լուկաշենկոն կառույցի աշխատանքները համարել էր անօգուտ: